Megin Markmið Verkefnisins

Frá upphafi COVID-19 hefur möguleikum til skiptináms erlendis fækkað stórlega fyrir nemendur á öllum stigum náms og þá sérstaklega fyrir fólk án sérmenntunar. Markmið PTMA er að nýta stafræna tækni og hanna App sem hjálpar væntanlegum skiptinemum, á öllum aldri,  við allan undirbúning fyrir skiptinámið. Við vonum að Appið muni skapa aukið öryggi og meira sjálfstraust, bæði persónulega og faglega, hjá nemendum og virka þannig hvetjandi til að taka þátt í fjölþjóðlegu samstarfi og jafnvel stuðla að betri námsreynslu. 

Rannsóknir sýna að flest ungmenni á aldrinum 16-24 ára eiga snjallsíma og það er þar sem hugmyndin af verkefninu kviknaði. Við búum að sjálfsögðu til fjölsniðið „Personal Transnational Mobility Assistant“ snjallsímaforrit með sérhönnuðum atburðarásum og lausnum, með aðgangi að lykilskjölum og skilaboðum og allt með einni snertingu, allt fyrir nemendur. Á sama tíma munum við lika hanna gagnvirkt kennsluefni um undirbúning fyrir skiptinám fyrir bæði nemendur og kennara. 

Eins og fyrr hefur verið sagt þá verða allar niðurstöður PTMA fáanlegar á stafrænu formi, með opnu aðgengi og á 8 tungumálum. Efnið í Appinu verður prófað af 48 nemendum og 16 kennurum í öllum þeim 8 löndum sem taka þátt í verkefninu. PTMA Appið verður hannað þannig að það nýtist á öllum sviðum við skipulag á ferðum, verkefnum eða öðru sem tengist erlendu samstarfi. Þetta mun auka verulega notagildi appsins og þannig undirstrika þverfaglega og menningarlega vídd verkefnisins. Við teljum að  PTMA verkefnið stuðli að góðum og nothæfum stafrænum  lausnum  í takt við tækni og þarfir nútímans án þess að vanrækja reynslu gærdagsins.